ಬೇಡದ ರಿಂಕಲ್ಸ್ ನಿವಾರಣೆ ಹೀಗೆ..

ಪ್ರಾಯವಾಗುತ್ತಾ ಹೋದ ಹಾಗೆ ಮುಖದಲ್ಲಿ ನೆರಿಗೆಗಳು ಅಥವಾ ರಿಂಕಲ್ಸ್ ಮೂಡುವುದು ಸಾಮಾನ್ಯ. ಅದಲ್ಲದೆಯೂ ಸೂರ್ಯನ ಕಿರಣಗಳಿಗೆ ಹೆಚ್ಚು ಒಡ್ಡಿಕೊಳ್ಲುವುದರಿಂದ, ಅತಿಯಾದ ಧೂಮಪಾನದಿಂದ, ಮಾಲಿನ್ಯ ಮೊದಲಾದವುಗಳಿಂದಲೂ ಚರ್ಮದಲ್ಲಿ ರಿಂಕಲ್ಸ್ ಕಾಣಿಸಿಕೊಳ್ಳುತ್ತದೆ. ಈ ಬೇಡದ ನೆರಿಗೆಗಳು ದೇಹದ ಒಟ್ಟು ಸೌಂದರ್ಯವನ್ನು ಕೆಡಿಸುತ್ತದೆ ಎಂಬುದಂತೂ ನಿಜ. ಬೇಡದ ನೆರಿಗೆಗಳ ನಿವಾರಣೆಗೆ ಇಲ್ಲಿದೆ ಕೆಲವು ಟಿಪ್ಸ್..

*ಒಲಿವ್ ಎಣ್ಣೆಯಿಂದ ವಾರಕ್ಕೊಂದು ಬಾರಿ ಚರ್ಮಕ್ಕೆ ಮಸಾಜ್ ಮಾಡಿಕೊಳ್ಳುವುದರಿಂದ ಚರ್ಮ ಸುಕ್ಕುಗಟ್ಟುವುದನ್ನು ತಪ್ಪಿಸಬಹುದು.

*ಮನೆಯಿಂದ ಹೊರಗೆ ತೆರಳುವ ಸಂದರ್ಭದಲ್ಲಿ ಹ್ಯಾಟ್ ಧರಿಸುವುದು ಅಥವಾ ಸನ್ ಗ್ಲಾಸ್ ಧರಿಸುವುದು ಉತ್ತಮವಾಗಿದೆ.

*ಹೆಚ್ಚು ನೀರಿನ ಬಳಕೆ ಕೂಡಾ ಚರ್ಮ ಲವಲವಿಕೆಯಿಂದ ಕೂಡಿರುವಂತೆ ಮಾಡುತ್ತದೆ.

*ಹೆಚ್ಚಿನ ಪ್ರಮಾಣದಲ್ಲಿ ತರಕಾರಿ ಮತ್ತು ಹಣ್ಣು ಹಂಪಲುಗಳ ಸೇವನೆಯಿಂದ ಚರ್ಮ ಆರೋಗ್ಯಕರವಾಗಿರುತ್ತದೆ.

*ಬೇಯಿಸಿದ ಬೇಳೆ ಕಾಳುಗಳ ಸೇವನೆಯೂ ಉತ್ತಮ.

*ಅತಿಯಾದ ಕೆಲಸದ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳಬೇಕು.

ಹೆಚ್ಚಿನ ವಿಶ್ರಾಂತಿಯಿಂದ ಚರ್ಮ ಲವವಿಕೆಯಿಂದ ಕೂಡಿರುತ್ತದೆ.